-
சீனா, அண்ணன் தேசமாக அன்பு குறையாமல் அறியப்பட்டாலும், தற்போதைய நிலைமைகள் அப்படி இல்லை. இந்திய எல்லைகளை ஆக்கிரமிக்கும் தேசமாக, மிரட்டல் விடுக்கும் வம்பு நாடாக சீனா மாறி வருகிறது. அதனால், சீனா மீதான அபிப்பிராயம் நம்மிடத்தில் குறைந்திருக்கும் காலகட்டம் இது. ஆனால், சூழ்நிலைகளால் தீர்மானிக்கப்படும் இந்தப் பகை நிலைமைகளைத் தவிர்த்துவிட்டுப் பார்த்தால்... உண்மையில் சீனா நம் சொந்த அண்ணன் தேசம்தான். அழகில், கட்டமைப்பில், பொருளாதார உயர்வில், வாழ்வியலில் சீனா நம் முன்னோடியாகவே விளங்குகிறது. ஒரு சுற்றுலாப் பார்வையாக அல்லாமல், சீனா குறித்த அத்தனை சுவாரஸ்யங்களையும் அழகு தமிழில் சொல்லி இருக்கிறார் நூல் ஆசிரியர் சுபஸ்ரீ மோகன். சீனாவில் வாழ்வதற்கான வாய்ப்புகளைச் சொல்லி ஆரம்பிக்கும் நூல், சீனர்களின் குணாதிசயங்கள், விழாக்கள், ஆன்மிக ஈடுபாடுகள் என அத்தனை விதமான பார்வைகளையும் வெகு அழகாகப் பதிவு செய்கிறது. ரசனைமிகுந்த எழுத்துக்களுக்கும், பார்வைகளுக்கும் பக்கபலம் சேர்க்கும் விதமாக பொன்.காசிராஜனின் புகைப்படங்கள் மிகுந்த மெனக்கெடுதலோடு எடுக்கப்பட்டிருக்கின்றன. அமெரிக்காவில் சாஃப்ட்வேர் தொழில் சரிவடைந்ததால், இப்போது பணி வாய்ப்புக்காக சீனாவுக்கு இந்தியர்கள் அதிகமாகச் செல்கிறார்கள். இத்தகைய காலகட்டத்தில் சீனா குறித்து முழுக்க அறிந்துகொள்ள இந்த நூல் அற்புதமான வழிகாட்டியாக விளங்கும். சீனர்களின் வரலாறும், பாரம்பரியமும், கலைகளின் மீது அவர்கள் கொண்டிருக்கும் ஈடுபாடும் எல்லோரையும் ஈர்க்கக்கூடியவை. சுத்தம், நேரம் தவறாமை, பணியில் முழு ஈடுபாடு என சீன மக்களின் அத்தனைவிதமான பெருமைகளையும் வாழ்வியல் வழிகாட்டியாக இந்த நூல் எடுத்துரைக்கிறது. சாலை ஓரச் செடிகளில் இருக்கும் ரோஜாக்களை யாரும் பறிப்பதில்லை என்பது உட்பட இந்த நூலில் ஏராளமான அழகு ஆச்சர்யங்கள்! சுற்றுலா செல்பவர்களுக்குப் பயண வழிகாட்டியாகவும், பிறதேசம் அறியும் ஆர்வ மிகுதியாளர்களுக்கு சுவாரஸ்ய கிடங்காகவும், தொழில் நிமித்தம் செல்பவர்களுக்கு பக்க துணையாகவும் இந்த நூல் நிச்சயம் விளங்கும்.
-
This book China Annan Desam is written by Subasri Mohan and published by Vikatan Prasuram.
இந்த நூல் சீனா அண்ணன் தேசம், சுபஸ்ரீ மோகன் அவர்களால் எழுதி விகடன் பிரசுரம் பதிப்பகத்தால் வெளியிடப்பட்டது.
Keywords : tamil books online shopping, tamil books , buy tamil books online, tamil books buy online, online tamil books shopping, tamil books online, China Annan Desam, சீனா அண்ணன் தேசம், சுபஸ்ரீ மோகன், Subasri Mohan, Varalaru, வரலாறு , Subasri Mohan Varalaru,சுபஸ்ரீ மோகன் வரலாறு,விகடன் பிரசுரம், Vikatan Prasuram, buy Subasri Mohan books, buy Vikatan Prasuram books online, buy China Annan Desam tamil book.
|
Updating
சீனா அண்ணன் தேசம்; நமக்கும் சீனத்துக்கும் உண்டான சகோதரத்து உறவை பிரதிபலிக்கும் புத்தகமோ என்று படித்ததில் பலன் என்னமோ வேறு. சீனத்தை நோக்கி நம்மை வேகமாய் இழுக்கும் சுற்றுல்லா பதிவாய் தெரிகிறது என்னை பொறுத்தவரை,
ஒவ்வொரு பகுதிக்கும் நம் கையை பிடித்து அழைத்து செல்வது போல் உள்ளது இவரின் எழுத்து நடை… சில இடங்களில் படிக்கும் போது ஏதோ ஒரு நாவலை படிப்பதை போல் உள்ளது (நன்று.) சில இடங்களில் சீனத்து வரலாற்றை படிப்பது போல் உள்ளது (ஸ்ஹவும்) அப்படியாக அவரது பயண விளக்கங்களை எழுதியுள்ளார்
புதுதில்லியில் ஆரம்பித்த அவரது பயணம், பயம் ’கராத்தே கிட்’ படத்தை ஞாபக படுத்தியது
சீனர்களின் வாழ்வியல் முறை கலை, பாரம்பரியம், தொன்மை என அத்தனையையும் அவரின் அனுபவங்களை கொண்டு அழகாய் பதியம் போட்டுள்ளார் நூலாசிரியர், குறிப்பாக தங்களின் பெயர்களை வைப்பது முதல் தொழில் அர்பணிப்பு மூத்தோர்க்கு உண்டான மரியாதை அவர்களின் வாழ்வியலோடு பின்னி பிணைந்த உடற்பயிற்சி என அழகாய் பயணக் குறிப்பிடையிடையே பதியம் போட்டுள்ளார்
சீன விழாக்கள் சுற்றுலா தளங்கள் கோவில்கள் பழமையான வீடுகள் திருமண சடங்குகள் சீனத்து நம்பிக்கைகள் அதற்கு உண்டான வரலாறுகள் என 136 பக்கங்களில் மிக வேகமாகவே முடித்துவிட்டார் ஆசிரியர்.
சீனத்து பற்றிய எதிர்மறை கருத்துகள் இல்லாத மாற்று பக்கங்களை புரட்டி திரட்டி கொடுத்துள்ளார்.
சீனாவின் துயரம் மஞ்சள் ஆறு என்ற போதிலும் அது சீன நாகரீகத்தின் தொட்டிலாய் விளங்குவது போல் உங்களுக்கான அறிமுக அட்டையாய் இப்புத்தகம் விளங்க வாழ்த்துகள்
கடைசியா எட்டையும் ஒன்பதயும் உங்களிடம் சமர்பித்து விட்டு செல்கிறேன் உங்கள் எழுத்துகளின் சீயதுயியாய்(விசுவாசியாய்)